Doch Schwarzriesling steht noch ein schlimmer Schicksalsschlag bevor:

De Henning hot soi Drohung wor gemach, unn mir e Markierung uff de Haupspiejel gebappt. Erschtemol hot er die drei Schraube am Tubus lese misse. Des hot scho e bissje wehdon. Awwer wie er donn de Spiejel erauszoche hot... Walentina, moi Meedsche, des ware Schmerze... Uiuiui. Gud, doss Du des net erlebe musch. Des konn Dir net bassiere. Jede Wett geh isch do in.

Awwer die Geschischt geht no weider.

Jetz hot er also de Spiejel so vor sisch uffm Tisch leie unn sinniert so vor sisch hi:"So! Und wie kriege ich jetzt die Markierung in die Mitte?" Typisch für de Henning. Erschtemol rumschraabe und bastele unn denn iberlesche was er oijentlisch hätt mache wolle. Net umgekehrt, wies en vernünftije Mensch mache däd! Nee, nee, De net.

Also mocht er ne krause Stern unn guggd dumm in de Gejend erum, derweil isch do steh, mit nem riese Loch hinne drin dorsch des kalt die Luft ziehe dut. Noch e Weil geht er hi unn holt sisch e Stiggelsche Pabier, soi Schieblehr, Scher unn Bleistift. Erschtemol misst er an dem Spiejel erum. Warum? frach isch misch, steht doch uff moim Tubus druff, doss der Spiejel 114mm Dorschmesser hot, unn des hat Henning aach schon oft genuch gelese. Noch lange fünf Minute entfährt s em, doss moi Spiejel 114mm dick is. Hätt isch em glei sache kenne.

Donn schneid er sisch mit Scher erschtemol in de Finger, rennt raus unn schreit: "Elke! Schnell! Ein Pflaster!". Hätt isch mer denke kenne. Mal sehe was als nächtes kimmt.

Nachdem er sisch soi Finger verbunne hot schneid er sisch des Stiggelsche Pabier zurescht, so dass des an jede Seit genau 114mm long is unn molt vun jeder Eck e Linie in des gejenüberleijende Eck. Do wo die sisch schneide macht er e klee Löschelsche unn leit des Gonze uff de Spiejel.

Aahh, denk isch ei misch, jetzt hot er die Mitt funne. Genial. So genial, doss isch mir denke, die Idee is net vun dem. Unn rischtisch. Ebe sacht er:"Liebe, liebe SaSchlauBine! Das war eine super Idee! Gut, dass wir die Albireos haben, die immer mit guten Ideen dienen können!"

Fazit is also, doss nu endlisch so e bled Ding uff moim Hauptspiejel bappt.

Walentina, moi gud Meedsche, Du machsch Dir koi Bild, was des fir Strapaze worn. Isch hab misch erschtemol mit oiner Flasch Woi hieleije misse. Des hot mir gudd getan unn isch fihl misch aach scho widder besse.

Walentina, moi Lieb, sei Du froh, das Du des net mitmach musch. Isch winsch Dir noch ebbes unn verbleibe

Doi Disch lieben...
   ...de Schwarzriesling vun de NEWTON

Der Rohrspecht, wenn auch tief betroffen... pochte auf die Statuten!

Dem Rohrspecht stehen die Haare zu Berge, und Zaphod die Fangspiegelstreben desgleichen: was hast Du da durchmachen müssen!

Aber das schlimmste kommt noch: Sag mal dem Henning, dass er ganz versäumt hat, die neue Spiegelmitte zu TAUFEN!

Auf welchen Namen?

Na klar doch, denn wer steht in Deinem Lebensmittelpunkt und wer ist Dein Hauptspiegelstern: Walentinchen!!

Prosit!
Der Specht